Монголчууд хамжлагыг халж, хаант засгаас Бүгд найрамдах засаглалд шилжих түүхэн шийдвэр болох Анхдугаар Үндсэн хуулиа 101 жилийн тэртээх 11 дүгээр сарын 26-ны өдөр баталсан тул улс орон даяар энэхүү өдрийг ёслол төгөлдөр тэмдэглэсээр ирсэн билээ. Үндсэн хуулиа баталгаажуулснаар эрэгтэй, эмэгтэй ялгалгүй иргэдийнхээ сонгох, сонгогдох эрх чөлөөг хүлээн зөвшөөрсөн. Ийнхүү шийдвэр гаргасан Ази тивийн анхны улс болж, үндэсний эрх зүйн зарчим, үнэт зүйлийг бий болгож, шинэ тогтолцоог байгуулсан онцлогтой.
Улсаа тунхагласнаар нийгэм, эдийн засгийн чухал ололтуудын үүсгэлийг тавьж, Монгол орны газар шороо, хөрсөн доорх баялаг, ой мод, ан амьтан зэргийг ард түмний өмч гэж зарласан байдаг. Түүхэн тэмдэглэлт эл өдөр бүх нийтээр амарч, үндэсний бөхийн барилдааныг явуулдаг уламжлал тогтсон.
Хамгийн анхны барилдааныг 128 бөхтэй 1984 онд зохион байгуулахад дархан аварга Х.Баянмөнх түрүүлж, аварга Д.Хадбаатар үзүүрлэж байжээ.
Тэр цагаас хойш 33 дахь удаагийн үндэсний бөхийн барилдаан Монгол бөхийн өргөөнд 2025 оны 11 дүгээр сарын 26-ны өдөр 13 цагт эхэлнэ.
